නුවරඑළිය – ගම්පොළ ප්‍රධාන මාර්ගයේ, කොත්මලේ ගැරඬිඇල්ල ප්‍රදේශයේ දී අද උදෑසන සිදු වූ බස් රථ අනතුරෙන් මියගිය සියලු දෙනාගේ පවුල්වල ඥාතීන් වෙත බලවත් සංවේගය පළ කරන බව ජනාධිපති අනුර කුමාර දිසානායක මහතා පවසනවා.
ඒ නිවේදනයක් නිකුත් කරමින්.
එසේම අනතුරෙන් තුවාල ලැබූවන් වෙත ඉක්මන් සුවය ප්‍රාර්ථනා කරන අතර තුවාල ලැබූවන්ගේ ප්‍රතිකාර කටයුතු වෙනුවෙන් අදාළ සියලු රෝහල් සූදානම් කිරීමටත්, ඒ වෙනුවෙන් අවශ්‍ය සියලු ඉදිරි ක්‍රියාමාර්ග ගැනීමටත් ආරක්ෂක අංශ වෙත සහ සෞඛ්‍ය අංශ වෙත ජනාධිපතිවරයා උපදෙස් ලබා දී ඇති බව ද එම නිවේදනයේ වැඩි දුරටත් සඳහන්.
