කැනඩාවේ අලුතින් පත් කරන ලද අගමැති මාර්ක් කාර්නි විසින් පිහිටුවන ලද නව කැනේඩියානු කැබිනට් මණ්ඩලයේ කැනඩාවේ නව අධිකරණ අමාත්‍ය ධුරයට උපතින් ශ්‍රී ලාංකික දෙමළ ජාතික ගැරී ආනන්දසංගරි නම් කර ඇත.
ඔහු කැනඩාවේ අධිකරණ අමාත්‍ය ධුරයට පත් වනු ඇත.
මේ අනුව, කැනේඩියානු ඉතිහාසයේ අධිකරණ අමාත්‍ය ධුරයට පත් වූ පළමු දෙමළ-කැනේඩියානු ජාතිකයා බවට ගැරී ආනන්දසංගරි පත්වනු ඇත.
නීතිඥවරයෙකු වන ගැරී ආනන්දසංගරි, දෙමළ ජනතාවගේ අයිතිවාසිකම් වෙනුවෙන් දිගු කලක් පෙනී සිටි අයෙකු බව කියනු ලැබේ.
ගැරී ආනන්දසංගරි යාපනයේ උපත ලැබූ අතර 1983 කෝලාහල අතරතුර කැනඩාවට සංක්‍රමණය වූ අතර එතැන් සිට කැනඩාවේ පදිංචිව සිටී.
දේශපාලනයට පිවිසීමට පෙර ගැරී ආනන්දසංගරි නීතිඥයෙකු සහ ප්‍රජා උපදේශකයෙකු විය.
ඔහු කැනේඩියානු දෙමළ වාණිජ මණ්ඩලය, කැනේඩියානු දෙමළ කොංග්‍රසය සහ කැනේඩියානු දෙමළ තරුණ සංවර්ධන මධ්‍යස්ථානය ඇතුළු සංවිධාන කිහිපයකම ක්‍රියාකාරී වී ඇත.
