රුපියල් කෝටි දෙකක මුදල් කොල්ලයක් සම්බන්ධයෙන් පොලිස් විශේෂ කාර්ය බළකායේ නිලධාරීන් දෙදෙනක් සමඟ 6 දෙනෙක් අත්අඩංගුවට පත්ව තිබෙනවා.
මෙම කොල්ලය සීදූව ලියනගේ මුල්ල ප්‍රදේශයේ හෝටලයකදී සිදුව තිබෙන බවයි පොලිසිය පැවසුවේ.
අදාළ මුදල් මැණික් ව්‍යාපාරිකයන් දෙදෙනෙකුට අයත් බවද පොලිසිය පවසනවා.
මේ කොල්ලකෑම සම්බන්ධයෙන් වාකරේ විශේෂ කාර්ය බළකා කඳවුර සහ ගෝනහේන විශේෂ කාර්ය බළකා කඳවුරේ පොලිස් සැරයන්වරයකු හා පොලිස් කොස්තාපල්වරයෙක් අත්අඩංගුවට ගෙන තිබෙනවා.
මීට අමතරව මහනුවර, කෑගල්ල හා දියතලාව ප්‍රදේශයේ පදිංචි සැකකාර පුද්ගලයින් හතර දෙනෙක් අත්අඩංගුවට ගෙන තිබේ.
