පහල්ගම් ත්‍රස්ත ප්‍රහාරයෙන් අනතුරුව තුර්කිය, ඉන්දු – පාකිස්තාන අර්බුදයට මැදිහත්වීම සහ එහිදී පාකිස්තානයට සහාය දැක්වීම යන හේතුව මත ඉන්දියාව තුළ තුර්කියට එරෙහිව ප්‍රබල විරෝධයක් ගොඩනැගෙමින් ඇති බව ඉන්දීය මාධ්‍ය වාර්තා කරයි.
එහි ප්‍රතිඵලයක් ලෙස මේ වනවිට ඉන්දීය වැසියන් දැඩි ලෙස තුර්කිය ප්‍රතික්ෂේප කරමින් සහ තුර්කි සම්භවයක් ඇති භාණ්ඩ වර්ජනය කරමින් ඇති බවත් වාර්තා වේ.
කෙසේවෙතත් විදෙස් මාධ්‍ය වාර්තා කරන්නේ පාකිස්තානය සමඟ ඇතිවූ ගැටුමෙන් පසුව ඉන්දීය සමාජය තුළ දේශප්‍රේමී හැඟීම් ඉහළ මට්ටමකට වර්ධනය වී ඇති බවය.
