ඇල්ල – වැල්ලවාය මාර්ගයට ගල් පෙරලීමේ අවදානමක් මතුව ඇතැයි බදුල්ල දිස්ත්‍රික් ආපදා කළමනාකරණ ඒකකය පවසයි. ඒ, රාවණා ඇල්ල රක්ෂිතයේ හටගත් ගින්න සමඟ කඳු මුදුනේ ඇති ගල් අස්ථාවර වීම හේතුවෙන් ය. දින දෙකක් පුරා පැවති ගින්න දැඩි පරිශ්‍රමයකින් පසු අද උදෑසන මැඩ පැවැත්වූ බව බදුල්ල දිස්ත්‍රික් ආපදා කළමනාකරණ නියෝජ්‍ය අධ්‍යක්ෂ EML උදය කුමාර මහතා සඳහන් කළේය.
ත්‍රිවිධ හමුදාව , වනජීවි සහ වන සංරක්ෂණ දෙපාර්තමේන්තුවල සහයෝගයෙන් ගින්න මැඩ පවත්වා තිබේ. EML උදය කුමාර මහතා ප්‍රකාශ කළේ, ගින්නෙන් රාවණා ඇල්ල රක්ෂිතය භූමියට දැඩි හානි සිදුව ඇති බවයි.
සැක පල කරන්නේ රාවණා ඇල්ල රක්ෂිතයට යම් කිසි පුද්ගලයෙකු ගිනි තබන්නට ඇති බවයි.
