අමෙරිකාව සහ යුක්‍රේනය ඓතිහාසික ඛනිජ සම්පත් ගිවිසුමකට අත්සන් තබා තිබේ.
යුක්‍රේන අමෙරිකා සබඳතා යළි ශක්තිමත් කරමින් ඇමෙරිකාව සහ යුක්‍රේනය ඓතිහාසික ඛනිජ සම්පත් ගිවිසුමකට අත්සන් තබා තිබෙන අතර, විදෙස් මාධ්‍ය වාර්තාවලට අනුව ඇමෙරිකානු භාණ්ඩාගාර ලේකම් ස්කොට් බෙසන්ට් සහ යුක්‍රේන පළමු නියෝජ්‍ය අගමැතිනිය සහ ආර්ථික කටයුතු අමාත්‍යවරිය වන යුලියා ස්වයිරඩෙන්කෝ ඇමෙරිකාවේ වොෂිටන්ටන් අගනුවරදී මෙම ගිවිසුමට අත්සන් තබා ඇති බවයි.
කෙසේවෙතත් ගිවිසුමෙහි මූලික කටයුතු සඳහා පසුගිය පෙබරවාරී මාසයේදී අත්සන් කිරීමට නියමිතව තිබුණත්, දෙරටේ ජනාධිපතිවරුන් අතර ඇති වූ විවාදාත්මක සාකච්ඡාව හේතුවෙන් එය බිඳ වැටිණි.
යුක්‍රේනයේ දුර්ලභ ඛනිජ සම්පත් සඳහා ඇමෙරිකාවට ප්‍රවේශය ලබා ගැනීමට අත්සන් කළයුතු අදාළ ගිවිසුම සම්බන්ධයෙන්‍ෙමාස ගණනාවක සිට ඇමෙරිකානු ජනාධිපති ඩොනල්ඩ් ට්‍රම්ප් සහ යුක්‍රේන ජනාධිපති වොලොඩිමියර් සෙලෙන්ස්කි අතර සාකච්ඡා පැවැත්විය.
කෙසේ වෙතත් අද අත්සන් කෙරුණු අදාළ ගිවිසුම යුක්‍රේනයේ ආර්ථිකයට සහ රට තුළ ආරක්ෂාව සහතික කිරීමට දැඩි ලෙස වාසිදායක වනු ඇති බව, විදෙස් මාධ්‍ය වාර්තා කළේ ය.
