රාගම, බටුවත්ත ප්රදේශයේදී ‘ආමි උපුල්’ නැමැත්තා වෙඩි තබා ඝාතනය කිරීමේ සිද්ධියට ආධාර අනුබල ලබාදුන් තවත් පුද්ගලයෙකු කැලණිය කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබේ.
පසුගිය ජූලි 03 වැනිදා සිදුවූ මෙම ඝාතනය සම්බන්ධයෙන් සිදුකළ විමර්ශනවලදී, හෙරොයින් ග්රෑම් 50ක් සහ මිලිග්රෑම් 600ක් සමඟ මෙම සැකකරු අත්අඩංගුවට ගෙන ඇති බව පොලීසිය සඳහන් කරයි. අත්අඩංගුවට ගත් සැකකරු 30 හැවිරිදි වියේ පසුවන රාගම, බටුවත්ත ප්රදේශයේම පදිංචිකරුවෙකි.
ජූලි 03 වැනිදා, ත්රිරෝද රථයකින් පැමිණි අයෙකු විසින් පිස්තෝල වර්ගයේ ගිනි අවියකින් ‘ආමි උපුල්’ නැමැත්තාට වෙඩි තබා ඝාතනය කර පළාගොස් තිබුණි.
මෙම සිද්ධියට සම්බන්ධ තවත් සැකකරුවන් දෙදෙනෙකු හෙරොයින් කිලෝග්රෑම් 9ක්, කේරළ ගංජා කිලෝග්රෑම් 67ක් මෙන්ම ගිනිඅවි දෙකක් හා උණ්ඩ සමඟ පසුගිය ජූලි 08 වනදා කැලණිය කොට්ඨාස අපරාධ විමර්ශන කාර්යාංශය මගින් අත්අඩංගුවට ගෙන තිබුණි. මෙම නවතම අත්අඩංගුවත් සමඟ ඝාතනයට සම්බන්ධ සැකකරුවන් අත්අඩංගුවට ගැනීම් තවදුරටත් පුළුල් වී ඇත.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
