සමාජ මාධ්‍ය ඔස්සේ ශ්‍රී ලංකා යුද හමුදාව සම්බන්ධයෙන් පැතිර යන යම් යම් තොරතුරු සාවද්‍ය බව ශ්‍රී ලංකා යුද හමුදාව නිවේදනයක් නිකුත් කරමින් අවධාරණය කරයි.
යුද හමුදාව සිය නිවේදනයේ වැඩිදුරටත් සඳහන් කර ඇත්තේ, සිවිල් සමාජය තුළ යුද හමුදාව අපකීර්තියට පත් කිරීමේ අරමුණින් යම් යම් මාධ්‍ය සහ සමාජ මාධ්‍ය ජාලා කටයුතු කර ඇති බවයි.
ඒ අනුව,ජනාධිපතිවරයාගේ අනුමැතියකින් තොරව, කූට ලියකියවිලි මගින් වංචාකාරී ලෙස නිලධාරීන් කිහිප දෙනෙකු පෞද්ගලික හේතු මත යුද හමුදාවෙන් ඉවත් කිරීමට කටයුතු කරන බවට පැතිර යන ප්‍රචාර සම්පූර්ණයෙන් අසත්‍ය බව යුද හමුදාව පැහැදිලි කරයි.
