අභියාචනාධිකරණය විසින් පාර්ලිමේන්තු මන්ත්‍රී රාමනාදන් අර්චුනාගේ මන්ත්‍රී ධුරය බල රහිත කිරීමේ නියෝගයක් නිකුත් කරන ලෙස ඉල්ලා ගොනුකර තිබෙන පෙත්සමට විරෝධතා ගොනු කිරීම සඳහා දින ලබාදී තිබෙනවා.
අභියාචනාධිකරණ විනිසුරු මඬුල්ල ඉදිරියේ අදාළ පෙත්සම අද (01) කැඳවනු ලැබූ අවස්ථාවේදී, වගඋත්තරකාර පාර්ලිමේන්තු මන්ත්‍රී රාමනාදන් අර්චුනා වෙනුවෙන් පෙනී සිටි නීතිඥ සෙනානි දයාරත්න අධිකරණය හමුවේ ඉල්ලීමක් කරමින් මෙම පෙත්සමට අදාළ විරෝධතා ගොනු කිරීම සඳහා කල් ලබා දෙන ලෙස ඉල්ලා සිටියා.
එහිදී එම නඩුකරයට අදාළ විරෝධතා ගොනු කිරීමට සති හතරක කාලයක් ලබා දුන් අතර, පෙත්සම්කාර පාර්ශවයට ප්‍රතිවිරෝධතා ලබා දීමට සති දෙකක කාලයක් ලබා දෙන බව විනිසුරු මඬුල්ල දැනුම් දී තිබෙනවා.
එමනිසා පෙත්සම සැප්තැම්බර් 26 වනදා කැඳවීමට දින නියම කර ඇති බවයි වැඩිදුරටත් සඳහන් වන්නේ.
