රාජ්‍ය සේවකයින්ගේ වැටුප් ඉහළ නැංවීමට අදාළව කැබිනට් තීරණයක් ගත් බව හිටපු ජනාධිපති රනිල් වික්‍රමසිංහ ප්‍රකාශ කළත්, ඊට අදාළ නියමිත ක්‍රමවේදය අනුගමනය කර නොමැති බව අග්‍රාමාත්‍ය, ආචාර්ය හරිනි අමරසූරිය පවසයි.
පාදුක්කේ ඊයේ (27) පැවති ජනහමුවකට එක්වෙමින් ඇය මේ බව සඳහන් කළේය.
එහිදී අග්‍රාමාත්‍යවරිය සඳහන් කළේ හිටපු ජනපති රනිල් වික්‍රමසිංහ රාජ්‍ය සේවකයින්ගේ වැටුප් වැඩිකිරීමට තීරණය ගත් බවට ප්‍රකාශ කළද, එම කැබිනට් සාකච්ඡාවේ තීරණය පිළිබදව සොයාබැලීමේදී භාණ්ඩාගාරයේ මෙන්ම මුදල් අමාත්‍යාංශයේ නිලධාරීන්ගේ අනුමැතියකින් තොරව එම තීරණය ගෙන ඇති බවයි.
