අග්‍රාමාත්‍ය හරිනි අමරසුරිය රාමඤ්ඤ පාර්ශ්වයේ මහානායක අතිපූජ්‍ය මකුලෑවේ විමල නාහිමියන් සමඟ කළුතරදී පැවැත්වූ හමුව ආවරණය කිරීමට එහි රැස්ව සිටි ජනමාධ්‍යවේදීන්ට සිය රාජකාරිය සිදුකිරීමෙන් බාධා එල්ල වී ඇතැයි වාර්තා වේ.
සිද්ධියට අදාළ වීඩියෝවක් සමාජ මාධ්‍ය ඔස්සේ සංසරණය වෙමින් පවතින අතර, එහිදී අග්‍රාමාත්‍යවරියගේ ආරක්ෂක අංශ ජනමාධ්‍යවේදීන්ට මෙම අවස්ථාව ආවරණය කිරීමට අවශ්‍ය නම් රැස්වීමේ සංවිධායකයන්ගෙන් අවසර ගන්නා ලෙස පවසනු අසන්නට ලැබේ.
මීට පෙර මෙවැනි සිදුවීම් වාර්තා කිරීමට බාධාවක් නොවූ බව එක් ජනමාධ්‍යවේදියකු ආරක්ෂක නිලධාරීන්ට පවසනු අසන්නට ලැබේ.කෙසේවෙතත්, රැස්වීම් ශාලාවට ඇතුළු වීමට සමත් වූ සමහර ජනමාධ්‍යවේදීන් ද පිටතට යවා ඇත.එම අවස්ථාව ආවරණය කිරීම වැළැක්වූවහොත් පිටව යන බව ජනමාධ්‍යවේදීන් පවසන බව අසන්නට ලැබේ.
