අගමැතිනි හරිනි අමරසූරියට මරණ තර්ජන කරමින් විද්‍යුත් ලිපියක් ලැබී ඇති බව මහජන ආරක්‍ෂක ඇමති ආනන්ද විජේපාල මහතා පවසයි.
කෙසේවෙතත් මේ සම්බන්ධයෙන් ඇමතිවරයා පැවසුවේ, අගමැති කාර්යාලයේ අතිරේක ලේකම්වරයෙකු මේ සම්බන්ධයෙන් කර ඇති පැමිණිල්ලක් අනුව විමර්ශනය කරමින් ඇති බවත් එම විද්‍යුත් තැපෑල සම්බන්ධයෙන් ගූගල් වෙතින් වාර්තාවක් ලබාගෙන ඇති බවත් ය.
මෙම විද්‍යුත් ලිපියට නෙදර්ලන්තය සහ ජර්මනිය යන රටවල් සම්බන්ධ වී ඇති බවත් ජාත්‍යන්තර පොලිසියේද සහායෙන් තව දුරටත් විමර්ශනය සිදු කරන බවත් අද පාර්ලිමේන්තුව අමතමින් ඔහු පැවසීය.
