Skype යෙදුම අයත් මයික්‍රොසොෆ්ට් සමාගම පසුගිය මාර්තු මාසයේදී සිය X ගිණුමේ සටහනක් තබමින් සඳහන් කළේ, 2025 මැයි මාසයේ සිට Skype යෙදුම සිය මෙහෙයුම් නැවැත්වීමට තීරණය කළ බවයි. ඒ අනුව වීඩියෝ ඇමතුම් සේවාවක් වූ Skype යෙදුම වසා දැමීමට පියවර ගෙන තිබේ. Skype යෙදුම 2003දී ප්‍රථම වරට නිකුත් කර තිබේ.
Skype යෙදුම අවසන් කිරීමත් සමඟ එම ගිණුම් හිමියන්ට එම මුරපදම භාවිතා කර Microsoft Teams Free වෙත සම්බන්ධවීමට හැකියාව ඇති බව මයික්‍රොසොෆ්ට් සමාගම නිවේදනය කර ඇත.
