ජාත්‍යන්තර පොලිසිය මගින් රතු නිවේදන නිකුත් කර තිබූ OnmaxDT තහනම් පීරමිඩ යෝජනා ක්‍රමය ආරම්භ කිරීම සඳහා වෙබ් අඩවියක් නිර්මාණය කිරීම හා එය ප්‍රවර්ධනය කිරීම සම්බන්ධයෙන් ප්‍රධාන සැකකරුවෙකු ඩුබායිහිදී අත්අඩංගුවට ගෙන දිවයිනට රැගෙනවිත් තිබේ.අද ( 21) උදෑසන අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් විසින් සැකකරු ඩුබායි රාජ්‍යයේ සිටි දිවයිනට රැගෙන එනු ලැබ ඇත.
අත්අඩංගුවට ගෙන ඇති සැකකරු වයස අවුරුදු 33ක්වූ පන්නිපිටිය ප්‍රදේශයේ පදිංචි මෘදුකාංග ඉන්ජිනේරුවරයෙකි.
මෙම සැකකරුට එරෙහි කොළඹ ප්‍රධාන මහේස්ත්‍රාත් අධිකරණය වෙත කරුණු වාර්තා කර තිබූ අතර අධිකරණය මගින් ඇප මත මුදා හැර සිටියදී මෙම සැකකරු 2023 වර්ෂයේදී විදේශගත වී ඇති බව පොලිසිය පැවසීය.
මේ සම්බන්ධයෙන් අපරාධ පරීක්ෂණ දෙපාර්තමේන්තුවේ මූල්‍ය හා වාණිජ අපරාධ විමර්ශන අංශය මගින් වැඩිදුර විමර්ශන සිදු කරයි.
