ඉරානය සහ ඊශ්‍රායලය අතර උත්සන්න වෙමින් පවතින ආතතීන් පිළිබඳව ඉන්දියාව සිය දැඩි කනස්සල්ල පළ කර තිබේ. මෙම ගැටුම්කාරී තත්ත්වය තුළ සංයමයෙන් කටයුතු කරන ලෙසත්, මතභේද නිරාකරණය කර ගැනීම සඳහා රාජ්‍යතාන්ත්‍රික ක්‍රියාමාර්ගවලට එළඹෙන ලෙසත් ඉන්දියාව දෙපාර්ශවයෙන්ම ඉල්ලා සිටී.
ඉන්දීය විදේශ කටයුතු අමාත්‍යාංශය නිවේදනයක් නිකුත් කරමින් සඳහන් කළේ, ඉරානය සහ ඊශ්‍රායලය දියත් කරන ප්‍රහාර සමීපව නිරීක්ෂණය කරමින් සිටින බවයි. ඉන්දියාව දෙරට සමඟම සමීප හා මිත්‍රශීලී සබඳතා පවත්වන අතර, හැකි සෑම සහයෝගයක්ම ලබා දීමට සූදානම් බවද එම අමාත්‍යංශය පෙන්වා දෙයි.
ඉරානයේ සහ ඊශ්‍රායලයේ පිහිටි ඉන්දියානු දූත මණ්ඩල, එහි වෙසෙන ඉන්දියානු ප්‍රජාවන් සමඟ සම්බන්ධතා පවත්වමින් ඉදිරි කටයුතු සිදු කරන බවද පැහැදිලි කර තිබේ. කලාපයේ සිටින සියලුම ඉන්දියානු ජාතිකයින්ට ආරක්ෂිතව සිටින ලෙසත්, ආරක්ෂක උපදෙස් අනුගමනය කරන ලෙසත් උපදෙස් දී ඇති බව එම ප්‍රකාශයේ වැඩිදුරටත් සඳහන් වේ.
