වාරියපොළ මිනුවන්ගේට් ප්‍රදේශයේ සිදුවූ ශ්‍රී ලංකා ගුවන් හමුදා ප්‍රහාරක ජෙට් යානය අනතුරට හේතුව පුහුණු දෝෂයක් බව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මහතා පැවසීය.
ඊයේ (23) අධිවේගී මාර්ග නිරීක්ෂණ චාරිකාවකට සහභාගී වූ අවස්ථාවේදී ඔහු මෙම හෙළිදරව්ව සිදු කළේය.
ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මහතා ඊයේ පොතුහැර සහ රඹුක්කන අතර මධ්‍යම අධිවේගී මාර්ගයේ තුන්වන කොටස ඉදිකිරීමට සහභාගී වූ අතර අමාත්‍යවරයා එසේ පැවසීය.
“ගුවන් යානයේ බදේ ප්‍රශ්නයක් හෝ පරණකමක් එහෙම නෑ. ගුවන් යානයේ එංජිමේ ප්‍රශ්නයක් නෑ. පරණ ප්ලේන් එකක් නෙමෙයි. ප්ලේන්වල L බෝඩ් ගහපු නැති වුණාට ගියපු අය පුහුණු වෙන කට්ටිය. ඒ අයගෙන් අත්වැරදීමක් සිදුවෙලා තියෙනවා. ඒ හැර වෙන දෙයක් සිදුවෙලා නෑ.”
