ලෝක විවාහක රූ රැජින තරගාවලිය සඳහා මෙරට බලයලත් ආයතනය විසින් පුෂ්පිකා ද සිල්වා 2021 වසරේ ලෝක විවාහක රූ රැජින තරගාවලිය සඳහා මෙරටින් තේරී පත්වුණු විවාහක රූ රැජින ලෙස නැවත නිල වශයෙන් නම්කරන ලදී.
ඒ , මේ පිළිබඳ ලබාදුන් අධිකරණ නියෝගයකට අනුවය.
මිසිස් ශ්‍රී ලංකා වර්ල්ඩ් හි ජාතික අධ්‍යක්ෂ චන්දිමාල් ජයසිංහ සහ පුෂ්පිකා ද සිල්වා ඊයේ (28) ඒකාබද්ධ මාධ්‍ය සාකච්ඡාවක් පැවැත්වූ අතර එහිදී ජයසිංහ විසින් පුෂ්පිකා ද සිල්වා 2021 මිසිස් ශ්‍රී ලංකා ෆෝ මිසිස් වර්ල්ඩ් ලෙස නැවත පත් කරන ලදී.
ජයසිංහ කියා සිටියේ පුෂ්පිකා ද සිල්වා ප්‍රසිද්ධියේ යළි එම කිරුළේ පිහිටුවන ලෙස ලබාදුන් අධිකරණ නියෝගයේ කොටසක් ලෙස මෙම මාධ්‍ය සාකච්ඡාව පැවැත්වූ බවයි.
2022 වසරේ දී පුෂ්පිකා ද සිල්වාගෙන් මිසිස් ශ්‍රී ලංකා කිරුළ ඉවත් කිරීමෙන් පසු ඇයට එය නැවත ලබා දෙන ලෙස අධිකරණය විසින් ඔක්තෝබර් මාසයේදී නියෝග කර තිබිණි.
පුෂ්පිකා ද සිල්වා ගොනුකළ නඩුවකින් අනතුරුව ගල්කිස්ස දිසා අධිකරණය මෙම නියෝගය ලබාදී ඇත.
එම වසරේ එක්සත් ජනපදයේ පැවති ගෝලීය ඉසව්ව ජයග්‍රහණය කිරීමට මෙම චෝදනාව ඇයට බාධාවක් වූ බව පවසමින් 2022 දී ඇයගේ දේශීය කිරුළ ඇයගෙන් ඉවත් කරන ලදී.
ද සිල්වාගේ ප්‍රකාශයන් ගෝලීය වශයෙන් ශ්‍රී ලංකාවේ කීර්ති නාමයට හානියක් වූ බව ප්‍රාදේශීය සංවිධායකයන් එකල පවසා තිබිණි.
ඇයගේ මිසිස් ශ්‍රී ලංකා නාමය ඉවත් කර ඇති අතර එය කිසිදු ප්‍රවර්ධන කටයුත්තක් සඳහා භාවිත කිරීම තහනම් කර ඇති බව එහි වැඩිදුරටත් සඳහන් වේ.
කෙසේවෙතත්, ඔක්තෝබර් මාසයේදී අධිකරණ දුන් තීන්දුවෙන් පසු දේශීය සංවිධායකයන් කියා සිටියේ තමන් එම ප්‍රකාශය ඉල්ලා අස්කර ගන්නා බවත් 2021 වසර සඳහා හිමිකරු පුෂ්පිකා ද සිල්වා බවත්ය.
