නවසීලන්ත කණ්ඩායම හා ශ්‍රී ලංකා කණ්ඩායම අතර දෙවන හා අවසන් ටෙස්ට් තරඟයේ දෙවන දිනය අදයි.
ඒ අනුව තරඟයේ කාසියේ වාසිය දිනා සිය පළමු ඉනිම සඳහා පන්දුවට පහරදුන් ශ්‍රී ලංකා කණ්ඩායම කඩුලු 5 ක් දැවී ලකුණු 602 ක් ලබාගෙනසිටියදී ඉනිම අත්හිටුවීමට තීරණය කළා.
පන්දුවට පහරදීමේදී ශ්‍රී ලංකා කණ්ඩායම වෙනුවෙන් දිනේෂ් චන්දිමාල් ලකුණු 116 ක්, ඇන්ජලෝ මැතිව්ස් ලකුණු 88 ක්, නොදැවී පන්දුවට පහරදුන් කුසල් මෙන්ඩිස් ලකුණු 106 ක් හා කමිඳු මෙන්ඩිස් ලකුණු 182 ක් ලබා ගත්තා.
අද තරඟයේදී සිය ටෙස්ට් ලකුණු දහස සම්පූර්ණ කිරීමට කමිඳු මෙන්ඩිස් සමත් වූ අතර එය වාර්තා පොත් අතරට එක්වන්නේ ලොව තෙවැනි වේගවත්ම ටෙස්ට් ලකුණු දහස සහ 1949 වසරට පසුව වාර්තා වූ වේගවත්ම ටෙස්ට් ලකුණු දහස ලෙසයි.
ඒ අනුව කමිඳු ලොව විශිෂ්ටතම ක්‍රිකට් ක්‍රීඩකයා ලෙස සැළකෙන ශ්‍රීමත් ඩොනල්ඩ් බ්‍රැඩ්මන් සමඟ වේගවත්ම ටෙස්ට් ලකුණු දහස සටහනේ තෙවැනි ස්ථානය බෙදාගන්නා බවයි වාර්තා අතරට එක් වුණේ.
