මෙරට ප්‍රධානපෙළේ පළිබෝධනාශක සන්නාම ලෙස හුවා දක්වමින් ව්‍යාජ කෘෂි යෙදවුම් වෙළෙඳපොළේ ශීඝ්‍රයෙන් අලෙවි කරන ජාවාරමක් මේ දිනවල දිවයින පුරා ක්‍රියාත්මක වෙමින් පවතී.
එලෙස නිෂ්පාදනය කළ ව්‍යාජ කෘෂි යෙදවුම් වර්ගයක් තඹුත්තේගම ප්‍රදේශයේදී පළිබෝධනාශක රෙජිස්ට්‍රාර් කාර්යාලයේ වැටලීම් ඒකකය මඟින් අත්අඩංගුවට ගැනුණි.
පළිබෝධනාශක රෙජිස්ට්‍රාර් කාර්යාලයේ ලියාපදිංචි පළිබෝධනාශකවලට සමාන අයුරින් ව්‍යාජ පළිබෝධනාශක නිෂ්පාදනය කර වෙළෙඳපොළේ අලෙවි කරන ජාවාරමක් මේ වනවිට ක්‍රියාත්මක වෙමින් පවතී.
ඒ මෙරට ප්‍රධාන පෙළේ කෘෂි යෙදවුම් සමාගම්වල සන්නාම, නිල ලාංඡන ආදිය නීතිවිරෝධීව භාවිත කරමිනි.
මෙම ව්‍යාජ කෘෂි යෙදවුම් සොයා පළිබෝධනාශක රෙජිස්ට්‍රාර් කාර්යාලයේ වැටලීම් ඒකකය මේ දිනවල දීපව්‍යාප්තව වැටලීම් සිදුකරයි.
