වගා නොකළ ඉඩම් හිමියන්ට සති දෙකක කාලයක් තුළ තම ඉඩම් වගා නොකිරීමට හේතු දක්වන ලෙස දැනුම් දී ඇති බව ගොවිජන සංවර්ධන දෙපාර්තමේන්තුව පවසයි.
දෙපාර්තමේන්තුවේ කොමසාරිස් ජනරාල් රෝහණ රාජපක්ෂ මහතා සඳහන් කළේ, මේ වන විට අක්කර 120,000කට අධික වගා බිම් ප්‍රමාණයක් වගා කිරීමෙන් තොරව අත්හැර දමා ඇති බවට හඳුනාගෙන ඇති බවයි. මෙම තීරණය ගෙන ඇත්තේ රටේ ආහාර සුරක්ෂිතතාව තහවුරු කිරීම සහ කෘෂිකර්මාන්තය නංවාලීම අරමුණු කරගෙනය.
