ජාතික ජන බලවේගයේ ලේකම් මන්ත්‍රී වෛද්‍ය නිහාල් අබේසිංහගේ මෝටර් රථය අද පස්වරුවේ පාර්ලිමේන්තු සංකීර්ණය ඉදිරිපිට පොකුණට වැටී අනතුරට පත්ව ඇත.
‘ලංකාදීපය’ වාර්තා කර ඇති ආකරයට නවක මන්ත්‍රීවරුන් වෙනුවෙන් පාර්ලිමේන්තු සංකීර්ණයේ පැවැති වැඩමුළුවට සහභාගී වූ මන්ත්‍රීවරයා රැගෙන ඒමට ඔහුගේ රියැදුරා මෝටර් රථය පාර්ලිමේන්තු සංකීර්ණයට රැගෙන එමින් තිබියදී මෙම අනතුර සිදුව තිබේ.
වාහනය පොකුණට වැටී එහි මැදට පෙරළී ගොස් ඇතැයි වාර්තා වේ.
අනතුරින් රියැදුරාට කිසිදු හානියක් සිදුව නොමැති අතර, පාර්ලිමේන්තු සේවකයන් ඔහුව ආරක්ෂිතව ගොඩට ගෙන ඇත.
අයහපත් කාලගුණය හේතුවෙන් වාහනය මාර්ගයෙන් ඉවතට පැන මෙම අනතුර සිදුවන්නට ඇතැයි සැකකෙරේ
