ජාත්‍යන්තර ක්‍රිකට් කවුන්සිලය විසින් සතිපතා නිකුත් කරන ශ්‍රේණිගත කිරීම් වල පන්දුවාර 20 ලොව පස්වැනි හොඳම පන්දු යවන්නා වශයෙන් නම් වීමට මහීෂ් තීක්ෂණ සමත් විය. බටහිර ඉන්දීය කොදෙව් කණ්ඩායමට එරෙහිව පැවැති දෙවන තරගයේදී මහීෂ් ලකුණු 7කට කඩුලු 2ක් දවාගැනීමට සමත් වීමත් සමගින් ශ්‍රේණිගත කිරීම් තුළ ස්ථාන 5ක් ඉදිරියට පැමිණීමට මහීෂ් සමත් විය.
මේ අතර ශ්‍රේණිගත කිරීම්වලට අනුව ශ්‍රී ලංකාවේ අංක එකේ පන්දු යවන්නා වශයෙන් සැලකෙන වනිඳු හසරංගට, පස්වැනි ස්ථානයේ සිට 7වැනි ස්ථානය දක්වා පසු බැසීමටද සිදු වුණා.
එමෙන්ම දෙවන විස්සයි විස්ස තරගයේ අර්ධ ශතකයක් රැස් කරගත් පැතුම් නිස්සංක පන්දුවාර 20 පිතිකරණ ශ්‍රේණිගත කිරීම් තුළ ස්ථාන 3ක් ඉදිරියට පැමිණෙමින් 12වැනි ස්ථානය දක්වා උසස්වීම් ලබාගැනීමටද සමත් වුණා.
