පොලිස් දෙපාර්තමේන්තුවේ ජ්‍යෙෂ්ඨ තනතුරුවල සැළකිවයුතු සංශෝධනයක් පිළිබඳව තොරතුරු අනාවරණය වී ඇති අතර ඉහළ නිලධාරීන් කිහිපදෙනෙකුට ස්ථාන මාරුවීම් ලබාදීමට නියමිත බව ආරංචි මාර්ග සඳහන් කරයි.
මෙම වෙනස්කම් ජ්‍යෙෂ්ඨ නියෝජ්‍ය පොලිස්පතිවරුන් (SDIGs), නියෝජ්‍ය පොලිස්පතිවරුන් (DIG), සහ විවිධ කොට්ඨාශවල ජ්‍යෙෂ්ඨ පොලිස් අධිකාරීවරුන් කිහිපදෙනෙකුට බලපානු ඇතැයි අපේක්ෂා කෙරේ.
ආරංචි මාර්ගවලට අනුව, බස්නාහිර, වයඹ, නැගෙනහිර, දකුණ, ඌව සහ සබරගමුව පළාත් ඇතුළු පරිපාලන කලාප සඳහා වගකිව යුතු ජ්‍යෙෂ්ඨ නියෝජ්‍ය පොලිස්පතිවරුන් මාරුකිරීමට නියමිත නිලධාරීන් අතර වේ.
මීට අමතරව, දිස්ත්‍රික් භාර නියෝජ්‍ය පොලිස්පතිවරුන් සහ ප්‍රාදේශීය මූලස්ථාන කළමනාකරන ජ්‍යෙෂ්ඨ නිලධාරීන් ද යළි අනුයුක්ත කිරීමට අපේක්ෂා කෙරේ.
විශේෂ පොලිස් ඒකක ශක්තිමත් කිරීමේ අරමුණින් මෙම ස්ථාන මාරුවීම් සිදුකරන බව ආරංචි මාර්ග සඳහන් කරයි.
පළපුරුදු සහ දක්ෂ නිලධාරීන්ට ඔවුන්ගේ කාර්යක්‍ෂමතාව ඉහළ නැංවීම සඳහා සංවිධානාත්මක අපරාධවලට එරෙහිව සටන් කිරීමේ ඒකකවල නව භූමිකාවන් පවරනු ලැබේ.
