පාසල් ළමුන් සහ තරුණයින් සඳහා අලෙවි කිරීමට සූදානම් කර තිබූ නීතිවිරෝධි මත් කරල් තොගයක් සමග සැකකරුවෙකු පොලිස් විශේෂ කාර්ය බළකාය විසින් බොරැල්ල ප්‍රදේශයේදී අත්අඩංගුවට ගෙන තිබෙනවා.
අත්අඩංගුවට පත් වූ අවස්ථාවේදී ඔහු සතුව මත් කරල් 599,000ක් තිබූ බව ද පොලිස් විශේෂ කාර්ය බළකාය පැවසීය.
සැකකරු මත්කරල් ප්‍රවාහනයට යොදාගත් ලොරි රථයක් ද විශේෂ කාර්ය බළකාය විසින් ඔවුන්ගේ භාරයට ගෙන තිබුණි.
මත් කරල් තොගයේ වටිනාකම රුපියල් කෝටි 6කට ආසන්න බවද පොලීසිය පැවසීය.
