ශිෂ්‍යත්ව විභාගයට පෙර නිශ්චිත වශයෙන්ම ප්‍රශ්න කොපමණ ප්‍රමාණයක් පිටවී තිබේද යන්න සම්බන්ධයෙන් සොයා බැලීම සඳහා අධ්‍යාපන අමාත්‍යාංශය විසින් තවත් කමිටුවක් පත් කරනු ලැබ ඇත.
අධ්‍යාපන ඇමතිනිය වන අගමැතිනී ආචාර්ය හරිනි අමරසූරියගේ උපදෙස් මත අධ්‍යාපන ලේකම් තිලකා ජයසුන්දර විසින් පත් කරනු ලැබ ඇති මෙම කමිටුවට ජනාධිපති කාර්යාලයේ හා විභාග දෙපාර්තමේන්තුවේ නිලධාරීහු දෙදෙනෙක්, මහාචාර්යවරයෙක් සහ ප්‍රශ්න පත්‍රය සකස් කළ මණ්ඩලයේ දෙදෙනෙක් අයත් වෙති.
මෙම කමිටුව පත්කර ඇත්තේ ශිෂ්‍යත්ව විභාගයේ ඇගයීම් කටයුතු සති දෙකකට අත්හිටුවීමට ජනාධිපති අනුර කුමාර දිසානායක ගත් තීරණයත් සමගය. පරීක්ෂණ වාර්තාව හැකි ඉක්මනින්ම ලබාදෙන ලෙස කමිටුවට උපදෙස් දෙනු ලැබ ඇත.
විභාගයට පෙර පිට වී ඇත්තේ ප්‍රශ්න තුනක් පමණක් බව විභාග දෙපාර්තමේන්තුව සහ අපරාධ පරීක්ෂණ දෙපාර්තමේන්තුවද තහවුරු කරගෙන ඇති නමුත් පසුගියදා ජනාධිපතිවරයා හමුවූ දෙමව්පියන් පිරිසක් පවසා ඇත්තේ ප්‍රශ්න අටක් පිට වී තිබෙන බවය
