නිදහස් දින සැමරුමේ ප්‍රධාන උත්සවයේ සහ පෙරහුරුවල ආරක්ෂාව සඳහා පොලිස් සහ පොලිස් විශේෂ කාර්ය සාධක බලකායේ නිලධාරීන් 1,650 ක් යොදවා ඇත.
රථවාහන හා මගීන්ට බාධාවක් නොවන පරිදි පෙරහුරුව සහ ප්‍රධාන උත්සවය පැවැත්වීම සඳහා විශේෂ රථවාහන සැලැස්මක් ද ක්‍රියාත්මක බව පොලිසිය පැවසීය.
ඒ අනුව, නිදහස් දින සැමරුමේ පෙරහුරුව හේතුවෙන් අද දින කොළඹ නිදහස් චතුරශ්‍රය අවට විශේෂ රථවාහන සැලැස්මක් ක්‍රියාත්මක වේ.
නව රථවාහන සැලැස්ම උදෑසන 6.00 සිට දහවල් 12.00 දක්වා ක්‍රියාත්මක කෙරේ.
එම අවස්ථාවේදී විකල්ප මාර්ග භාවිතා කරන ලෙස පොලිසිය මහජනතාවගෙන් ඉල්ලා සිටී.
77 වන ජාතික නිදහස් දින සැමරුම ලබන 4 වන දින ජනාධිපතිවරයාගේ ප්‍රධානත්වයෙන් කොළඹ නිදහස් චතුරශ්‍රයේදී පැවැත්වීමට නියමිතය.
මෙවර නිදහස් දින සැමරුමේදී ජනාධිපති උත්තමාචාරය පිරිනමනු නොලැබේ.
