දළදා වහන්සේ වන්දනාමාන කිරීමට පැමිණෙන සැදැහැවතුන් රැගෙන එන අපද්‍රව්‍ය නිසි ආකාරයෙන් පරිසරයට බැහැර කරන ලෙසට මහනුවර නාගරික කොමසාරිස් ඉන්දිකා කුමාරි අබේසිංහ ජනතාවගෙන් ඉල්ලා සිටින අතර මාධ්‍ය වෙත අදහස් දක්වමින් ඇය සඳහන් කළේ දළදා වන්දනාව සඳහා අවසරය ලැබුණු පසු, පෝලිම්වලට එකතු වීමේදී වන්දනාකරුවන් අසුන්ගෙන සිටි ඉටිකොල ආදිය එම ස්ථානයේම තබා ඔවුන් පිටව යාමට කටයුතු කරන බවයි.
එම අපද්‍රව්‍ය නගර සභා සේවකයින් ඉවත් කිරීමට කටයුතු කළද, මේ සඳහා මහජනතාවගෙන්ද සහයෝගය අපේක්ෂා කරන බවත්, තමන් රැගෙන පැමිණෙන සියල්ල නිසි ලෙස බැහැර කිරීමට කටයුතු කරන ලෙසයි වන්දනාව සඳහා පැමිණෙන ජනතාවගෙන් ඇය වැඩිදුරටත් ඉල්ලා සිට්න්නේ.
