ජාත්‍යන්තර ක්‍රිකට් කවුන්සිලය විසින් එළිදක්වනු ලබන ජාත්‍යන්තර ක්‍රිකට් ක්‍රීඩක ශ්‍රේණිගත කිරීම් පසුගියදා (22 වැනිදා) යාවත්කාලීන කරන ලදි. එහිදී ශ්‍රී ලංකා හිටපු සීමිත පන්දුවාර නායක දසුන් ශානක සහ වේග පන්දු යවන ක්‍රීඩක නුවන් තුෂාර විස්සයි විස්ස ශ්‍රේණිගත කිරීම්වල ඉහළට පැමිණ ඇත.
දසුන් ශානක පිතිකරණ ශ්‍රේණිගත කිරීමේදී ස්ථාන තුනකින් ඉදිරියට එමින් 75 වන ස්ථානය හිමි කරගෙන ඇත.එසේම ඔහු තුන් ඉරියව් ක්‍රීඩකයන් අතරින් එක් ස්ථානයකින් ඉදිරියට පැමිණෙමින් 20 වන ස්ථානයට පත්ව ඇත.
විස්සයි විස්ස පන්දු යවන්නන් අතරින් නුවන් තුෂාර සිය ඉහළම ශ්‍රේණිගත කිරීම් ලකුණු සමඟ ස්ථාන තුනකින් ඉදිරියට පැමිණ 13 වන ස්ථානය පත්ව ඇත.
වනිදු හසරංග තවමත් තම ස්ථානය රැක ගනිමින් 06 වන ස්ථානයේ සිටියි.එසේම 09 වන ස්ථානයේ රැදී සිටි මහේෂ් තීක්ෂණ 11 වන ස්ථානය දක්වා ස්ථාන තුනකින් පසු බැස ඇත.
