මැදපෙරදිග කලාපයේ පවතින අස්ථාවර කාලගුණික තත්ත්වය හේතුවෙන් ඊශ්‍රායලයේ රැකියාවල නියුතු වී නැවත එරටට ගොස් සේවය කිරීමේ අරමුණින් රැඳී සිටින ශ්‍රී ලාංකිකයන් සඳහා විදේශ කටයුතු, විදේශ රැකියා සහ සංචාරක අමාත්‍යාංශය විශේෂ ප්‍රකාශනයක් නිකුත් කර ඇත.
නැවත ඇතුළුවීමේ වීසා (Re-entry) ලබාගෙන ශ්‍රී ලංකාවට පැමිණ සිටින කම්කරුවන්ගේ වීසා වලංගු කාලය ලබන මස 31 වැනිදා දක්වා දීර්ඝ කිරීමට ඊශ්‍රායලයේ ජනගහන සහ සංක්‍රමණ අධිකාරිය අනුමැතිය ලබා දී ඇති බව නිවේදනයේ සඳහන් වේ.
ඊශ්‍රායලයේ ජාත්‍යන්තර ගුවන් සේවා දැනටමත් ක්‍රියාත්මක වීම නිසා Re-entry වීසා කාලසීමාව අවසන් වී ගිය කම්කරුවන්ට පවා ලබන මස 31 වැනිදා දක්වා නැවත ඊශ්‍රායලයේ රැකියා ආරම්භ කිරීමේ අවස්ථාව ලබා දී ඇති බව අමාත්‍යාංශය අවධාරණය කළේය.
මෙම පහසුකම් සම්බන්ධයෙන් අදාළ සියලුම ආයතනවලට දැනුම් දී ඇති බවද අමාත්‍යාංශ නිවේදනයේ සඳහන් කර ඇත.
