ඉරානය සහ ඊශ්‍රායලය යන රටවල් දෙකම සටන් විරාම ගිවිසුම උල්ලංඝනය කර ඇති බව ඇමරිකානු ජනාධිපති ඩොනල්ඩ් ට්‍රම්ප් සිය සමාජ මාධ්‍ය ගිණුමේ සටහනක් තබමින් ප්‍රකාශ කර තිබේ. මෙමගින් ඔහු, කලාපයේ පවතින නොසන්සුන් තත්ත්වය පිළිබඳව තම දැඩි අසතුට පළ කර ඇති අතර, විශේෂයෙන්ම ඊශ්‍රායලයේ ක්‍රියාදාමය කෙරෙහි ද අප්‍රසාදය පළ කර ඇති බව කැපී පෙනේ.
ට්‍රම්ප් ජනාධිපතිවරයා එම සටහන ඔස්සේ, ඊශ්‍රායලයට දැඩි අනතුරු ඇඟවීමක් නිකුත් කරමින්, වහාම බෝම්බ හෙළීම නවත්වන ලෙසත්, ගුවන් නියමුවන් නැවත ගෙන්වා ගන්නා ලෙසත්, ඉරානයට ගුවන් ප්‍රහාර එල්ල නොකරන ලෙසත් ඉල්ලා තිබේ.
මෙම ප්‍රකාශය මැදපෙරදිග සාම ක්‍රියාවලියට අමෙරිකාව දක්වන දැඩි උනන්දුව පෙන්නුම් කරයි.
