ලොව පුරා පැතිර යන නව කොවිඩ් වෛරස ප්‍රභේදයන්ට සමගාමීව, ඉන්දියාවේ මේ වන විට කොවිඩ් රෝගීන් 6,491 දෙනෙකු වාර්තා වී ඇති බව ඉන්දීය මාධ්‍ය වාර්තා කරයි. පසුගිය පැය 24 තුළ පමණක් නව රෝගීන් 7 දෙනෙකු එරටින් සොයාගෙන ඇති අතර, කොවිඩ් රෝගයේ වැඩිම බලපෑමට ලක්ව ඇති ප්‍රාන්තය ලෙස කේරළය පත්ව ඇතැයි සඳහන් වේ.
නව වසංගත තත්ත්වයෙන් වැඩිම බලපෑම එල්ලවූ ප්‍රාන්තය ලෙස කේරළය පත්වන විට, මහාරාෂ්ට්‍ර, කර්ණාටක, ගුජරාට්, දිල්ලි, බටහිර බෙංගාලය, උත්තර් ප්‍රදේශ්, තමිල්නාඩු සහ හර්යානා යන ප්‍රාන්තවල ක්‍රියාකාරී රෝගීන් සංඛ්‍යාව පිළිවෙළින් ඉහළ ගොස් ඇති බවද වාර්තා වේ.
එමෙන්ම, පසුගිය ජනවාරි 1 වැනිදා සිට මේ දක්වා කොවිඩ් රෝගය හේතුවෙන් මරණ 65ක් වාර්තා වී ඇති අතර, උත්තර් ප්‍රදේශ්, බටහිර බෙංගාලය, තමිල්නාඩු, පන්ජාබ්, මහාරාෂ්ට්‍ර, මධ්‍ය ප්‍රදේශ්, කේරළ, කර්නාටක, ගුජරාට් සහ දිල්ලි යන ප්‍රාන්තවලින් මෙම මරණ වාර්තා වී ඇති බවද ඉන්දීය මාධ්‍ය වැඩිදුරටත් සඳහන් කරයි. මෙම තත්ත්වය හමුවේ ඉන්දීය සෞඛ්‍ය බලධාරීන් ඉදිරි ක්‍රියාමාර්ග පිළිබඳව අවධානයෙන් සිටින බවද වාර්තා වේ.
