බෝගවලට සැලකිය යුතු හානියක් සිදුකරන හානිකර සත්ව ගහණය පිළිබඳ ගැටළුව විසඳීම සඳහා කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය විසින් විශේෂ ඒකකයක් ස්ථාපිත කර ඇත.
තිරසාර පාලනයක් සඳහා බහුවිධ උපායමාර්ග ක්‍රියාත්මක කිරීම මෙම මුලපිරීම අරමුණු කරයි.
ඒ පිළිබඳ විශේෂ සාකච්ඡාවක් අමාත්‍ය කේ.ඩී.ලාල්කාන්තගේ ප්‍රධානත්වයෙන් පැවැත්විණි.
පොල් සහ පලතුරු වැනි ප්‍රධාන භෝගවලට විශාල හානියක් සිදුකරන රිලවුන් සහ අනෙකුත් සතුන් පාලනය කිරීම සඳහා තිරසාර ක්‍රියාමාර්ග හඳුනාගැනීම පිළිබඳව මෙම සාකච්ඡාවේදී අවධානය යොමුව ඇත.
කඩිනම් සහ ක්‍රියාකාරී වැඩ සැලැස්මක් ක්‍රියාත්මක කිරීමට අමාත්‍යාංශය සැලසුම් කර තිබේ.
කෘෂිකර්ම, පශු සම්පත්, ඉඩම් හා වාරිමාර්ග අමාත්‍යාංශය, වනජීවී සංරක්ෂණ දෙපාර්තමේන්තුව, කෘෂිකර්ම දෙපාර්තමේන්තුව, කෘෂිකර්ම පර්යේෂණ ආයතනය, ශ්‍රී ලංකා යුද හමුදාව, සිවිල් ආරක්ෂක බළකාය ඇතුළු ආයතන 15ක පමණ නියෝජිතයෝ සාකච්ඡාවට සහභාගි වූහ.
