බදුල්ල දිස්ත්‍රික්කයේ ප්‍රබල රාජ්‍ය ඇමැතිවරයකුගේ පුද්ගලික කාර්ය මණ්ඩලයේ දෙදෙනකු කැබ් රථයකින් මත්පැන් බෝතල් 30ක් ප්‍රවාහනය කරමින් සිටියදී පොලිස් විශේෂ කාර්ය බළකාය පෙරේදා එනම් (03 වැනිදා) රාත්‍රියේ සිය භාරයට ගෙන ඇත.
මෙම කැබ් රථය ඇමැතිවරයාට හිතවත් කාන්තාවකගේ නමින් ලියාපදිංචි වූවක් වන අතර අත්අඩංගුවට ගෙන ඇත්තේ ඇමැතිවරයාගේ ආධාරකරුවකු සහ රියැදුරකු බව පොලිසිය සඳහන් කර අතර,
පොලිස් විශේෂ කාර්ය බළකායේ පස්සර කඳවුරේ නිලධාරීන්ට ලද තොරතුරකට අනුව මෙම කැබ් රථය බදුල්ල නගර මධ්‍යයේදී පරික්ෂාකර ඇත.
මෙහි මත්පැන් බෝතල් 30ක් තිබී ඇතත් මත්පැන් බෝතල් 10ක් එක් අයෙකුට සන්තකයේ තබාගැනීමට නීතියෙන් ඉඩකඩ පැවතීම නිසා මත්පැන් බෝතල් 10ක් නඩු භාණ්ඩ ලෙස ඉදිරිපත් කරමින් බදුල්ල මූලස්ථාන පොලිසිය වෙත භාරදීමට පියවර ගෙන තිබිණි.
මෙම මත්පැන් බෝතල් මහියංගණයේදී ඊයේ පැවැති දේශපාලන රැලියකට පැමිණෙන සිය පාක්ෂිකයන්ට බෙදා දීමට සූදානම්කර තිබූ ඒවා බව පොලිසිය සඳහන් ඇත.
