අම්පාර, ටැම්පිටිය-මහඔය මාර්ගය පසුගිය දින තුනක සිට රථවාහන සහ පදිකයන් සඳහා වසාදමා ඇත්තේ, තුවාල ලැබූ වන අලියකු නිතර නිතර මාර්ගයේ සැරිසැරීම හේතුවෙනි.
මාර්ගය වසාදැමීම සිවිල් ජන ජීවිතයට බාධාවක් වී ඇති බව ප්‍රදේශවාසීහු පවසති.
වනජීවී අඩවි වන නිලධාරී කිත්සිරිමෙවන් පවසා ඇත්තේ, දේශීයව නිෂ්පාදනය කරන ලද ‘හක්කපටස්’ පුපුරන ද්‍රව්‍යයකින් වන අලියාට බරපතල තුවාල සිදුවී ඇති බවත්, අම්පාර පශු වෛද්‍ය ඒකකය ප්‍රතිකාර ලබාදෙන බවත්ය.
අලියා මාර්ගයේ නිතර නිතර ගමන් කරන බවත්, එමඟින් ජනතාවට අනතුරක් සිදුවිය හැකි බවත්, ඔවුන්ගේ ආරක්ෂාව සඳහා මාර්ගය තාවකාලිකව වසාදැමූ බවත් ඔහු පවසයි.
පොලිසිය සහ විශේෂ කාර්ය බලකාය මාර්ගයේ ආරක්ෂාව සලසන බවත් ඔහු සඳහන් කරයි,
අලි වෙඩි දල්වමින් අලියා පලවාහැරීමට උත්සාහ කළ නමුත් එයින් පලක් නොවූ බව නිලධාරියා පවසයි.
ප්‍රතිකාර ලබාදීම සඳහා අලියා මාර්ගයෙන් ඉවත් කළ යුතු බවත්, උපදෙස් සඳහා වනජීවී සංරක්ෂණ දෙපාර්තමේන්තුවට මේ පිළිබඳව දැනුම් දුන් බවත් ඔහු වැඩිදුරටත් සඳහන් කරයි.
