හිටපු ජනාධිපති රනිල් වික්‍රමසිංහට සහය දැක්වූ දේශපාලන පක්ෂ පොදු සන්ධානයක් ලෙස මෙවර පාර්ලිමේන්තු මැතිවරණයට ‘අලියා’ ලකුණින් තරඟ නොකරන්නේ නම් ලංකා කම්කරු කොංග්‍රසය ඉන් ඉවත්වී ‘කුකුළා’ ලකුණින් වෙනම තරඟ කිරීමට තීරණය කර ඇත. මේ පිළිබඳව ලංකා කම්කරු කොංග්‍රසය විසින් හිටපු ජනාධිපතිවරයා ඇතුළු පිරිසට දැනුම් දී ඇතැයිද පැවසේ. ‘ගෑස් ටැංකිය’ ලකුණින් තරග කිරීමට නොහැකි බවත්, අලියා ලකුණින් තරඟ කිරීම මගින් වතුකරයේ වැඩි මන්ත්‍රි ධුර සංඛ්‍යාවක් ලබාගැනීමට හැකිවන බවද ලංකා කම්කරු කොංග්‍රසය විසින් හිටපු ජනාධිපතිවරයා ඇතුළු පිරිසට දැනුම් දී තිබේ.
අඩුම වශයෙන් බදුල්ල සහ නුවරඑළිය යන දිස්ත්‍රික්ක දෙකටවත් අලියා ලකුණින් තරඟ කළයුතු බව ලංකා කම්කරු කොංග්‍රසයේ මහ ලේකම්, හිටපු ඇමැති ජීවන් තොණ්ඩමන් ඇතුළු පිරිස යෝජනා කර ඇති අතර,
එලෙස එකඟ නොවන්නේ නම් ලංකා කම්කරු කොංග්‍රසය මෙවර පාර්ලිමේන්තු මැතිවරණයේදී තනිව තරඟ කිරීමට නියමිත බව වැඩිදුරටත් පැවසේ.
