නිවසක සැලැස්ම ප්‍රාදේශීය සභාව විසින් අනුමත කර නැති බව පවසා නිවස කඩා ඉවත් නොකර සිටීමට රුපියල් හැටදහසක අල්ලස් මුදලක් ලබාදෙන ලෙස බල කිරීමේ සිද්ධියට අදාළ කිළිනොච්චි ප්‍රාදේශීය සභාවේ නිලධාරින් දෙදෙනෙකු තවදුරටත් ලබන 27 දක්වා රක්ෂිත බන්ධනාගාරගත කරන ලෙසට කොළඹ ප්‍රධාන මහේස්ත්‍රාත් තිළිණ ගමගේ මහතා ඊයේ නියෝග කළේය.
මෙලෙස රක්ෂිත බන්ධනාගාරගත කරනු ලැබුවේ කිළිනොච්චි ප්‍රාදේශීය සභාවට අනුයුක්තව සේවය කළ ආදායම් පරීක්ෂක වනේෂ්වරන් ලෝගරදන් සහ ආරියරත්නම් මයුරන් නමැත්තන්ය.
සැකකරුවන් ඉදිරිපත් කරමින් අල්ලස් කොමිසම අධිකරණයේදී කරුණු ඉදිරිපත් කර සිටියේ පැමිණිලිකාරියගේ නිවසේ සැලැස්ම ප්‍රාදේශීය සභාවෙන් අනුමත නොකර ඉදිකර ඇති බවට පැමිණිල්ලක් ලැබී ඇති බවට දන්වා මෙම නිලධාරින් දෙදෙනා එම නිවසේ ඡායාරූප ඔවුන්ගේ ජංගම දුරකතනවලින් ලබාගෙන පැමිණිලිකාරියගේ විස්තර විමසා එම විස්තර කොළයක සටහන් කරගෙන පිටව ගොස් ඇත.
පසුදින දුරකතනයෙන් අමතා නිලධාරින් දෙදෙනා පැමිණිලිකරුට කියා ඇත්තේ මෙම නිවසේ සැලැස්ම අනුමත නොකර ඉදිකිරීම සම්බන්ධයෙන් තාක්ෂණ නිලධාරියාට දන්වා විමර්ශනය කර නඩු පැවරීමට හෝ කඩා ඉවත් කිරීමට හැකියාව ඇති බැවින් එසේ නොකර සිටීමට රුපියල් ලක්ෂ තුනහමාරක අල්ල්ස් මුදලක් අවශ්‍ය බවත්ය.
පසුව අවසාන වශයෙන් පළමු සැකකරු නැවත දූරකතනයෙන් අමතා රුපියල් හැටදහසක අල්ලස් මුදලක්ලබාදෙන මෙන් ඉල්ලා ඇති බවට අල්ලස් හෝ දූෂණ චෝදනා විමර්ශන කොමිසම අධිකරණයේදී කියා සිටියේය.
(භාග්‍යා සිල්වා
