2025 අයවැය දෙවනවර කියවීමේ ඡන්ද විමසීම අද (25) පවත්වා මීට සුලු මොහොතකට පෙර අවසන් විය .
මේ වසර සඳහා වන විසර්ජන පනත් කෙටුම්පත දෙවන වර කියවීම මුදල් අමාත්‍යවරයා ලෙස ජනාධිපති අනුර කුමාර දිසානායක මහතා විසින් පෙරබරවාරි මස 17 වන දින පාර්ලිමේන්තුවට ඉදිරිපත් කරනු ලැබීය. ඒ අනුව පෙබරවාරි මස 18 වන දින සිට අයවැය දෙවනවර කියවීමේ දිනය පැවති අතර අද එහි අවසන් දිනයයි.
විසර්ජන පනත් කෙටුම්පත 2025 දෙවනවර කියවීමට පක්ෂව ඡන්ද 155 ද විරුද්ධව 46 ක්ද විය .ඒ අනුව විසර්ජන පනත් කෙටුම්පත 2025 දෙවනවර කියවීම වැඩි ඡන්ද 109කින් ආණ්ඩු පක්ෂය ජයග්‍රහණය කරන ලදී .
මීළඟට කාරක සභා අවස්ථා විවාදය පෙබරවාරි මස 27 වන දින සිට මාර්තු මස 21 වන දින දක්වා පැවැත්වීමට නියමිතව තිබේ.
