ලංකා ගමනාගමන මණ්ඩලයේ මහනුවර ප්‍රදේශයේ ඩිපෝ හතකට අයත් බස් රථ 566කින් 226කට වායු විමෝචන සහතික නොතිබූ බවත්, ලංකා ගමන ගමනාගමන මණ්ඩලයේ බස් රථ විශාල සංඛ්‍යාවකට ආදායම් බලපත්‍ර ලබා ගැනීමේදීද වායු විමෝචන සහතික( දුම් සහතික) ඉදිරිපත් කර නොතිබූ බවත් ජාතික විගණන කාර්යාලය නිකුත් කළ 2023 වාර්ෂික වාර්තාවේ සඳහන් වේ. විගණන අංශ ලංගම බස් රථ සඳහාද දුම් සහතික ලබාගත යුතු බවට නිර්දේශ කළේය.
කෙසේවෙතත් ජාතික විගණන කාර්යාලය පෙන්වා දෙන්නේ, මෙලෙස දුම් සහතික නොගැනීම නිසා අහිතකර වායු සහ බැර ලෝහ පරිසරයට නිකුත් කිරීමෙන් පරිසර දූෂණය ඉහළ යා හැකි බවයි.
