ඉන්දියාව සහ පාකිස්ථානය ඊයේ (10) දිනයේ පූර්ණ කඩිනම් සටන් විරාමයකට එකඟ වුවද ඊයේ රාත්‍රියේම එම සටන් විරාම ගිවිසුම කඩ කර ඇති බව දෙපාර්ශවය විසින් චෝදනා නගයි. පාකිස්තාන විදේශ අමාත්‍යාංශය පවසන්නේ සටන් විරාම ගිවිසුමට තමන් කැපවී සිටියද ඉන්දියාව විසින් සටන් විරාම ගිවිසුම කඩකර ඇති බවයි.
ඉන්දීය විදේශ ලේකම් වික්‍රම් මිස්රි පාකිස්තානය සටන් විරාමය නැවතත් උල්ලංඝණය කළ බවට චෝදනා කර ඇති අතර නැවත නැවතත් උල්ලංඝනය කිරීම් සම්බන්ධයෙන් “දැඩි ලෙස කටයුතු කිරීමට ඉන්දීය හමුදාවට උපදෙස් ලබාදී ඇති බවයි ඔහු සඳහන් කරයි.
පසුගිය අප්‍රේල් 22 වැනිදා ජම්මු – කාශ්මීරයට එල්ල වූ ත්‍රස්ත ප්‍රහාරයකින් සංචාරකයින් 26 දෙනෙකු මියයෑමත් සමග ඉන්දියාව සහ පාකිස්ථාන අතර විරසකය යළි අලුත් වුණා.
