පසුගිය පළාත් පාලන මැතිවරණයේදී විපක්ෂයට වැඩි බහුතරයක් හිමිව තිබූ හම්බන්තොට මහ නගර සභාවේ බලය තහවුරු කිරීමටත්, එහි නගරාධිපති ධුරය ලබා ගැනීමටත් අද (ජූනි 23) සමගි ජන බලවේගය සමත් විය.
අද දින පැවති හම්බන්තොට නගර සභාවේ මංගල සැසිවාරයේදී, සමගි ජන බලවේගයේ අපේක්ෂකයා වූ ඩී.ඒ. ගාමිණි මහතා හම්බන්තොට නගර සභාවේ අභිනව නගරාධිපතිවරයා ලෙස වැඩි ඡන්දයෙන් තෝරා පත් කර ගන්නා ලදී. මෙම ප්‍රතිඵලය, දකුණු පළාතේ ප්‍රධාන පළාත් පාලන ආයතනයක පාලන බලය සමගි ජන බලවේගයට හිමි කර දෙයි.
නගරාධිපති ධුරයට පත් ඩී.ඒ. ගාමිණි මහතාගේ නායකත්වය යටතේ හම්බන්තොට නගරයේ ඉදිරි සංවර්ධන කටයුතු සහ මහජන සේවාවන් කෙසේ ක්‍රියාත්මක වේද යන්න පිළිබඳව බොහෝ පාර්ශ්වයන්ගේ අවධානය යොමුවී ඇත.
