2025 පළාත් පාලන ආයතන ඡන්ද විමසීමට අදාළව මැතිවරණ නීති උල්ලංඝනය කළ අපේක්ෂකයින් 30 දෙනෙකු මේ වන විට අත්අඩංගුවට ගෙන තිබේ.
පසුගිය මාර්තු 03 වැනිදා සිට අද (28) උදෑසන 6 දක්වා කාලය තුළ මැතිවරණ නීති උල්ලංඝනය කිරීමට අදාළව මෙම අපේක්ෂකයින් අත්අඩංගුවට ගෙන ඇති බවත් අදාළ කාලය තුළ පක්ෂ ආධාරකරුවන් 131ක් සහ වාහන 31ක් අත්අඩංගුවට ගෙන තිබෙන බවත් පොලීසිය පැවසුවේය.
එමෙන්ම පොලීසිය වැඩිදුරටත් සඳහන් කළේ මැතිවරණ නීති උල්ලංඝනය කිරීමට අදාළ පැමිණිලි 313ක් ද, අපරාධමය පැමිණිලි 85ක් ද එම කාලය තුළ ලැබී ඇති බව‍යි.
