පුවත්පත් කලාවේදිනියක ලෙස මෙන් ම, සමාජ ක්‍රියාකාරිනියක ලෙස මෙන් ම, අප්‍රතිහත ධෛර්‍යයෙන් ක්‍රියා කළ මාධ්‍යවේදිනි සීතා රංජිනි අභාවප්‍රාප්ත වූවාය.
නිදහස් මාධ්‍ය ව්‍යාපාරය ගොඩනැගීමේදී ප්‍රමුඛතම කාර්යභාරයක් ඉටු කළ ඇය මියයන විට 70 වෙනි වියේ පසු වූවා ය. 1990 දශකය ආරම්භයේදී යුක්තිය පුවත්පත ආරම්භයේ සිට ම නිර්භීතව ක්‍රියා කළ අතර විශේෂයෙන් ම, චන්ද්‍රිකා බණ්ඩාරනායක පාලන සමයේදී දියත් කළ ප්‍රජාතන්ත්‍ර විරෝධී කටයුතු පිළිබඳව දැඩි විරෝධයක් දැක්වූවාය. සමාජ ක්‍රියාකාරිනියක ලෙස එම පාලන සමයේදී ඉදිරියට පැමිණි ඇය, අභාවප්‍රාප්ත වනතුරු ම එම අරමුණු වෙනුවෙන් ම කටයුතු කළ මාධ්‍යවේදිනියකි.
