මෙරට දෙමළ දේශපාලන සිරකරුවන් නිදහස් කිරීමට රජය පියවර ගැනීමට සූදානම් බව ජනාධිපති අනුර කුමාර දිසානායක පවසයි.
වව්නියාවේ පැවති දේශපාලන රැලියක් අමතමින් ජනාධිපතිවරයා කියා සිටියේ ශ්‍රී ලංකාවේ සිවිල් යුද්ධය විශාල විනාශයක් සිදු කළ බවත්, එහි ප්‍රතිඵලයක් ලෙස දේශපාලන සිරකරුවන් බිහි වූ බවත්ය.
නීතිපතිවරයාගේ උපදෙස් මත දෙමළ දේශපාලන සිරකරුවන් නිදහස් කිරීමට රජය සූදානම් බවද ඔහු පැවසීය.
විවිධ ආරක්‍ෂක හේතූන් මත පවරාගත් උතුරේ ඉඩම් යළි ජනතාවට ලබාදිය යුතු බව රජයේ අදහස බව ද ජනාධිපති අනුර කුමාර දිසානායක වැඩිදුරටත් පැවසීය.
ශ්‍රී ලංකාව සෑම අතින්ම බෙදී ඇති බව පෙන්වා දුන් ජනාධිපතිවරයා මේ බෙදුණු තත්ත්වය තුළ රට ඉදිරියට ගෙන යා නොහැකි බව ද ප්‍රකාශ කළේය.
“අපේ ප්‍රධාන අරමුණ මේ සියලු බෙදීම් අවසන් කිරීමයි. සමගිය සඳහා කළ යුත්තේ කුමක්ද? සිංහල, දෙමළ, මුස්ලිම් ජනතාව සහ නායකයන් සිටින ව්‍යාපාරයක් ගොඩනැගිය යුතුයි. එම ව්‍යාපාරය ජාතික ජන බලවේගයයි, ”යනුවෙන් ඔහු පැවසීය
