ලංකා ලුණු සංස්ථාව විසින් ඉන්දියාවෙන්, මෙට්‍රික් ටොන් එකක් ඩොලර් 80ක් වැනි අඩු මුදලට ආනයනය කරන ලද බවත් එම ලුණු ඉතා අඩු මුදලට පෞද්ගලික සමාගමකට ලබා දී ඇති බවත් සමගි ජන බලවේග පාර්ලිමේන්තු මන්ත්‍රි මුජිබර් රහුමාන් මහතා අද පාර්ලිමේන්තුව අමතමින් මෙම චෝදනාව එල්ල කරන ලදී.
එම පුද්ගලික සමාගමේ ප්‍රධානියා ලංකා ලුණු සංස්ථාවේ අධ්යක්ෂ මණ්ඩලයේද සිටින බවද පැවසූ ඔහු ඉන්දියාවෙන් සංස්ථාව ආනයනය කරන කැට ලුණු ඉතා අඩු මුදලකට ඔහු තම සමාගමට ලබාගෙන එම සමාගමේ ලුණු කුඩු ලෙස කිලෝවක් රුපියල් 350 ඉක්ම වූ මිලකට අලෙවි කරමින් ඇති බවද මන්ත්‍රීවරයා කියා සිටියේය.
වැඩිදුරටත් මන්ත්‍රීවරයා කියා සිටියේ, ඉන්දියාවේ මිල අඩුම ලුණු කිලෝවක් වන්නේ මෙරට රුපියල් 24ක් බවත් කිලෝවකට පනවා ඇති රුපියල් 40ක බද්ද හා තවත් අමතර වියදම් එක් කර ඉතා අඩු මිලට ලුණු වෙලදපලට ලබා දිය හැකි බවත්ය.
එසේම ඔහු චෝදනා කළේ සහල් මාෆියාව මඩින්න ආ ආණ්ඩුව සහල් මාෆියාව තව වැඩි කලාට අමතරව ලුණු මාෆියාවකුත් අලුතෙන්ම ඇතිකර ඇති බවටය.
