රජය මෙවර කොතලාවල ආරක්ෂක විශ්ව විද්‍යාලයේ වෛද්‍ය උපාධිය සඳහා රජයේ උසස් පෙළ විභාගය සමත් සිසුන් ඇතුළත් කර ගැනීමේදී පැනවූ නව රෙගුලාසි මත විදේශ සහ කැඩෙට් නිලධාරීන් පමණක් බඳවා ගැනීමේ තීරණයකට එළඹ තිබේ .
මේ හේතුවෙන් සුදුසුකම්ලත් විශාල දේශීය සිසුන් සංඛ්‍යාවක් අහිමිවීමත් සමඟ කොතලාවල ආරක්ෂක විශ්ව විද්‍යාලයේ අයදුම්පත් ගාස්තු තුළින් උපයා ගන්නා රුපියල් බිලියන 2 දෙකක පමණ ආදායමක් අහිමි වී යාම සිදුවේ .
ආරක්ෂක නියෝජ්‍ය අමාත්‍ය අරුණ ජයසේකර පාර්ලිමේන්තුවේදී නිවේදනය කළේ රජය මෙම වසරේ උසස් පෙළ සුදුසුකම්ලත් දේශීය සිසුන් KDU ආයතනයට බඳවා නොගන්නා බවයි .
KDU නිල වෙබ් අඩවියේ විශේෂ නිවේදනයක් නිකුත් කරමින්ද ඒ බව සඳහන් කර තිබේ
මෙම වෙනස සඳහා කිසිදු හේතුවක් දක්වා නොතිබුණද රජය තුළ සහ අන්තර් විශ්ව විද්‍යාල ශිෂ්‍ය බල මණ්ඩලයේ පීඩනය රජයේ හදිසි තීරණයට හේතු වී ඇති බව විශ්වාස කෙරේ
